Трет ден протести во Прилеп
Под мотото „За заедничка Македонија“ трет ден се одржуваат протесни собири во Прилеп. Од здруженијата „Пере Тошев“, „Прилепски бранители“, „Карпалак“, „Андон Ќосето“ и здружението „Патриот“ кои ги организираат протестите, велат дека целта е да се пратат пораките за унитарна, заедничка Македонија на сите граѓани, еднојазична и без прифаќање некакви платформи составени надвор од државата.
Собраните граѓани протестираа по булеварот „Гоце Делчев“, од споменикот „Прилепски бранители“ до споменикот „Карпалак“.
Според Ивица Ангелески од здружението „Пере Тошев“, се разбуди петриотскиот дух во народот.
- Многу ми е мило што граѓаните се освестија, се разбуди патриотскиот дух за да ги одбрани Македонија, македонскиот јазик и македонскиот суверенитет. И понатаму, без разлика на партиската, верска припадност сите што сакаат да живеат во една држава, сплотени, ќе ни се придружат во мирните протести. Но, никако нема да дозволиме да ни наметнуваат некакви платформи создадени во други држави, изјави Ангелески.
Прилепчанецот Мирко Дамчески се приклучил на протстите за една Македонија. - Пораката е унитарна, една Македонија која им припаѓа на Македонците, рече Дамчески.
Гоце Стефаноски од здружението „Прилепски бранители“ информира дека протестите продолжуваат.
- Ќе продолжиме со протести додека не си ја зачуваме Македонија таква каква што е и каква што си ја сакаме, каква што ни ја оставиле нашите предци. Поддршката од граѓаните е голема, рече Стефаноски.
На крајот од протестниот марш на насобраниоте им се обрати и музичарот Сашо Гигов Гиш.
Популарно од Македонија
Ново на Сител
-
Ѓорѓиевски: Се комплетира првата фаза од булеварот „Македонија“, со кој Скопје ја добива првата подземна сообраќајница
-
Трамп до Иран: Отворете ја проклетата теснина, луди гадови, или ќе доживеете пекол
-
Мицкоски: Се разгледуваат нови мерки ако за тоа има потреба, ќе се одредуваат согласно глобалните состојби
-
Лишени од слобода 13 возачи за безобѕирно управување возило, од нив шестмина возеле без возачка дозвола
-
Три жени нападнати од своите сопрузи во Скопје во последното деноноќие, во Штип синот го нападнал својот татко
-
Мицкоски: Состојбата со горивата во овој момент е стабилна, нема потреба од какво било ограничување
-
Малолетници консумирале алкохол во угостителски објект, а во една обложувалница биле затекнати малолетници
-
Папата: Не молчете пред светските конфликти
