Тренчевска: Не сакаме да направиме решенија што ќе ги уназадат работничките права
Министерката за труд и социјална политика, Јованка Тренчевска заедно со претставници од работната група од Законот за работни односи, државниот советник за трудово право, Миле Стојановски, кабинетската советничка, Ленче Коцевска, раководителката на секторот за политики од областа на трудовото право и политики за вработување, Маја Папатолевска и директорката на државниот инспекторат за труд, Весна Томовска, присуствуваа на четвртата јавна расправа за овој закон во Битола. На расправата беа презентирани новитетите од нацрт верзијата од Законот, информираат од Министерството за труд и социјална политика.
– Повеќе од четири години го работиме Предлог-законот за работни односи, не сакаме да направиме решенија што ќе ги уназадат работничките права, напротив, овој документ претставува устав за работничките права и треба да одговара и на работниците и на работодавачите. Јавните расправи се токму наменети за конструктивни дискусии што треба да го унапредат законот, смета Тренчевска.
Според министерката, новините во најголем дел се усогласени со регулативите на Европската Унија, како и со Меѓународната организација на трудот. Министерката истакнала дека една од главните цели на Владата е интеграција во Европската Унија и оти токму усогласување на законодавството е вистинскиот пат кон исполнување на таа цел.
Таа го искажала своето уверување дека со ваквиот транспарентен пристап, може да се добие еден усогласен текст, што ќе има 100 отсто согласност од сите страни.
Ново на Сител
-
Летното сметање на времето започнува на 26 март
-
Дефектолог осомничена за напад на девојче
-
Спречено организирано бегство од затворот Идризово, откриен тунел | ВИДЕО
-
43 килограми злато вредно 2,3 милиони евра запленето на скопскиот аеродром | ФОТО
-
Приведен скопјанец, се обидел да подигне брз кредит со фалсификувана лична карта
-
Во Идризово откриен тунел за бегство на затвореници со високи казни
-
Флекс Кредит се стекна со признанието најголем корпоративен донатор за 2022 година во СОС Детско село
-
Алтернатива: Во Чаир синоќа започна крајот на владеењето на ДУИ