Трамп во филм на екстремистичката група Ал Шабаб

Екстремистичката група Ал Шабаб во филм за регрутирање на борци користи снимка од Доналд Трамп, претендентот за претседателски кандидат од Републиканската партија на претседателските избори во САД.

Филмот вчера е објавен на Твитер и трае 51 минути.

Во филмот се зборува за расната неправда, а прикажан е и предлогот на Трамп на муслиманите да им се забрани влез во САД.

Говорот на Трамп е меѓу две снимки на кои убиениот лидер на Ал Шабаб во Јемен во 2011 година, ал Авлаки зборува дека муслиманите во САД се соочени со два избора: преселба во исламски држави или останување и борба против Западот.

Предлогот на Трамп да им се забрани на муслиманите влез во САД наиде на осуда и во земјата и во светот.