Трамп следната година ќе се сретне со севернокорејскиот лидер Ким Џонг – ун
Потпретседателот на САД Мајк Пенс соопшти дека американскиот претседател Доналд Трамп планира следната година да се сретне со лидерот на Северна Кореја Ким Џонг-ун.
Пенс истакна дека Трамп следниот пат нема да ги повтори минатите грешки и да дозволи Ким да не ги исполни ветувањата за ставање крај на неговите програми за оружје.
САД и Северна Кореја по средбата во јуни во Сингапур разговараат за организирање втор самит. Целта е на него да се постават темелите за ставање крај на нуклеарното несогласување меѓу двете земји.
– Се работи на тие планови. Сметаме дека самитот најверојатно ќе се одржи по 1 јануари, но уште не е прецизирано кога и каде, изјави Пенс по средбата во Сингапур со јужнокорејскиот претседател Мун Џе-ин. Тие разговараа на маргините на форумот на земјите од Азија и Тихиот Океан.
– Не сакаме да ги повторуваме грешките на претходните администрации, искрено, кои ги дозволија и двете политички партии во последните неколку децении, кога биле давани ветувања, биле укинувани санкции, била давана економска поддршка, а потоа ветувањата биле прекршени, рече американскиот потпретседател.
Ново на Сител
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва
-
Муцунски: Заедничките активности на НАТО и ЕУ во регионот од суштинско значење за зацврстување на стабилноста
-
НЕПТУН слави 10 години на HAPPY програмата за лојалност
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи
-
Собранието ги избра делегациите за парламентарна соработка со меѓународни институции
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста