Трамп се враќа на политичката сцена, денеска митинг во Охајо
Поранешниот американски претседател Доналд Трамп денеска ќе одржи митинг во Охајо, што ќе биде неговиот прв собир по напуштањето на Белата куќа.
Тоа ќе биде и прв митинг откако неговите приврзаници упаднаа во Капитол во јануари, кога загинаа пет лица, потестуваат американските медиуми.
Според аналитичарите, овој собир може да навести негов можен ангажман на изборите за Конгресот во 2022 година, а можеби и на планови за нова претседателска кандидатура во 2024 година.
Иако Трамп веќе говореше на митинзите на Републиканците по поразот на изборите, овој митинг во Охајо, сојузната држава каде победи на изборите во 2020 година, претставува враќање на масовните митинзи кои се клучни за одржување на поддршката во партиската база.
Исфрлен од Твитер, Фејсбук и другите социјални мрежи што ги користеше за да комуницира со своите приврзаници, Трамп со нетрпение го чека враќањето на сцената, пишува Ју Ес Еј Тудеј.
Организаторите најавуваат дека овој ќе биде прв од неколкуте настапи на Трамп со цел да ги поддржи кандидатите на внатрепартиските избори.
Политичките аналитичари велат дека ваквите настани на Трамп ќе му дадат платформа да се наметне повторно како лидер на Републиканската партија, да ги промовира неговите теории на заговор за изборите во ноември и да ги подмири старите сметки, се вели во текстот на Ју Ес Еј Тудеј.
Ново на Сител
-
Честитка од премиерот Мицкоски за изборот на новиот папа Лав XIV
-
Прв говор на папата Лав Четрнаести: Бог нè сака сите, безусловно
-
Девизните резерви на крајот на април 4,77 милијарди евра
-
Македонските ракометари ја совладаа Естонија во евроквалификациите
-
Американецот Роберт Превост е новиот папа, со избрано име Лав 14
-
Кардиналот Ре се надева дека вечерва ќе биде избран новиот папа
-
Скопската полиција на лице место фати криминалци кои краделе во објектите на поранешна Железара
-
Кривична против 39-годишник, ја следел неговата поранешна партнерка и упатувал закани преку пораки