Трамп: Сакам да ги смирам Израел и Палестинците
Новоизбраниот американски претседател Доналд Трамп денеска изјави дека сака да „биде тој што ќе ги смири Израел и Палестинците“.
-Тоа би бил прекрасен успех, додаде Трамп за „Њујорк тајмс“.
Неговиот предлог за прогласување на Ерусалим за израелска престолнина, спротивно на досегашната американска политика, ги разбесне Палестинците, пренесе Индех.хр.
Републиканскиот милијардер додаде дека неговиот зет Џеред Кушнер, сопруг на неговата ќерка Иванка, може да има улога во евентуалните мировни преговори.
Кушнер, деловен човек и инвеститор, му беше близок соработник на Трамп во предизборната кампања. По изборите, Кушнер побара пристап до секојдневното безбедносно информирање во Белата куќа и на 17 ноември присуствуваше на средбата на Трамп со јапонскиот премиер, што беше неговата прва средба со некој странски лидер.
Израелската десница беше исклучително задоволна од победата на Трамп на изборите од 8 ноември и во неа виде навестување за продолжување и забрзување на изградбата на еврејските населби на окупираните палестински подрачја, па и крај на идејата за независна палестинска држава, наведува Индех.хр.
Екипата на Трамп, меѓутоа, ја повика израелската десница да не се занесува, изјави израелскиот министер за одбрана Авигдор Либерман.
Актуелниот државен секретар Џон Кери со месеци наназад инсистираше на било какво придвижување во мировните преговори меѓу Израел и Палестинците, но без успех.
Директните преговори меѓу двете страни се на мртва точка веќе 2,5 години.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност