Трамп од денеска испраќа писма со нови царини до трговските партнери
Претседателот на САД, Доналд Трамп, објави дека од денес, САД ќе почнат да доставуваат официјални писма до своите трговски сојузници, во кои ќе бидат наведени деталите за новите давачки и трговски спогодби.
Уште во април, Трамп навести за воведување на основна давачка од 10 проценти за скоро сите производи што се увезуваат, со дополнителни “реципроцитетни” давачки за државите кои имаат трговски дефицит со САД.
Овие мерки беа ставени во мирување на период од 90 дена, кој завршува на 9 јули.
“Писмата со спогодби или давачки ќе бидат испратени до различни држави низ светот од понеделник напладне (16:00 по Гринич)”, објави Трамп на платформата Трут Соушл.
Трамп изрази надеж дека “до 9 јули ќе биде завршено со поголемиот дел од земјите – или со писмо или со договор”, додека неговиот министер за трговија, Хауард Латник, појасни дека новововедените давачки ќе почнат да важат од 1 август.
Според Белата куќа, главната цел на овие мерки е да ги охрабрат останатите држави да ги намалат пречките за американскиот извоз.
Ново на Сител
-
Пуштен првиот од петте заглавени базени
-
Општина Аеродром ќе добие мултимедијален центар со кино сала за околу 250 посетители
-
Преглед на вестите од светот
-
Мицкоски: Добро се справуваме со пожарите
-
Инсекти тврдокрилци се преносители на пожарите на Серта
-
ДУИ: Бројот на советници во општините да се врати на старо
-
Нов мултифункционален центар во Аеродром
-
Нов базен во Кисела Вода