Трамп ги негира информациите дека побарал неговите деца да имаат пристап до доверливи информации

Новоизбраниот претседател на САД Доналд Трамп изјави денеска дека не се обидувал да издејствува неговите деца да имаат пристап до доверливи информации, јави БТА. 

- Не се обидувам да добијам пристап до информациите со највисок степен на тајност за моите деца. Тоа е типично лажна вест, напиша Трамп на неговиот Твитер профил. 

Телевизијата „Си-Би-Ес“ јави во понеделникот, дека луѓе од тимот на Трамп побарале Белата куќа да ја проучи можноста за децата на идниот претседател на добијат пристап до доверливи информации. 

Доналд Трамп има пет деца од трите бракови - Доналд - роден во 1977 година, Иванка (1981), Ерик (1984), Тифани (1993) и Барон (2006).