Трамп апелира за реформи на ОН

Претседателот на САД, Доналд Трамп денеска ги критикуваше Обединети нации дека се оптоварени со бирократија и лошо управување и повика на реформи, со цел ОН да зајакне и да биде поефикасна во спроведување на мирот.

Во своето прво обраќање на седницата на Генералното собрание на ОН во Њујорк, посветена на реформите на Светската организација, Трамп ги поздрави напорите на генералниот секретар Антонио Гутереш за реформирање на организацијата.

Американскиот претседател наведе дека отсекогаш гледал голем потенцијал во ОН, што не е искористен поради „бирократија и лошо управување“.

Трамп оцени дека ОН троши премногу пари и има преголем број вработени.

- Не гледаме резултати во согласност со оваа инвестиција, оцени Трамп, додавајќи дека ниту една земја-членка на ОН не треба да сноси несразмерен дел од трошоците.