Живот
3. February 2019 - 20:32

Трагедија:Се самоуби српскиот ракометен репрезентaтивец Бошковиќ

Ракометниот репрезентативец на Србија, Новак Бошковиќ (29), извршил самоубиство во својот дом, пишува српски „Блиц“.
 
Бошковиќ, кој настапуваше за Србија на Европското првенство во 2016 година, а последен пат играше за романски Динамо Букурешт, си пукал во главата со пиштол кој го поседувал легално, гласат неофицијалните информации од Србија.
 
Мотивот за самоубиство засега не е познат, а кога тој го направил тоа, во станот била присутна неговата сопруга. Десниот бек сезоната 2017/18 ја мина во Романија, а претходно настапуваше во Израел, Унгарија и Словенија.