Трaгедија: Тринаесет лица загинаа во шумски пожар во Тенеси
Тринаесет лица загинаа во шумски пожар, кој беснее неколку дена во близина на градот Гатлинберг во сојузната американска држава Тенеси, јавија американски медиуми.
Дванаесет од жртвите се директно поврзани со огнената стихија, а 13-та починала од срцев удар, бегајќи од огнот, изјави претставник на властите на прес-конференција.
Тој додаде дека 86 лица добиле медицинска помош поради повредите, со кои се здобиле во пожарот.
Над илјада згради изгореле или се оштетени и продолжува потрагата по евентуални нови жртви.
Гувернерот на Тенеси Бил Хаслам изјави дека телефонски го побарале претседателот Барак Обама и новоизбраниот шеф на државата Доналд Трамп.
Агенцијата за вонредни состојби предупреди дека Тенеси и натаму е под закана од нови пожари поради сушата која и натаму трае.
На почетокот на неделата пожар избувна во националниот парк Грејт Смоуки и брзо се прошири поради силните ветрови со брзина од 140 километри на час. Оттогаш пет торнада исто така помогнаа во разгорувањето на огнот.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња