Трагедија: Три сестри починаа во подметнат пожар

Три сестри од ромска националност загинаа во подметнат пожар во Италија.

Тие изгореле во камперска приколка во предградие на Рим, јавија француските медиуми.

Жртвите, на возраст од четири, осум и 20 години, спиеле со своите родители и уште осум браќа и сестри, кога приколката им се запалила.
Снимките од безбедносните камери покажуваат човек кој  фрла шише врз приколката пред таа да се запали, соопштија иследниците.

Не е јасно дали е во прашање ксенофобичен чин или некој од друго семејство „ги израмнува сметките“, наведуваат британските медиуми.

Преживеаните членови на семејството изјавиле дека неколку дена пред несреќата добиле закани, пренесуваат италијанските медиуми.

Проромската група „Асоциационе 21 Лулјо“, која редовно ги критикува актите на дискриминација и насилство врз Ромите во Италија, изрази болка заради трагедијата.

Италијанскиот претседател Серџо Матарела го осуди „страшното злосторство“, додека папата Франциско го испрати својот капелан да го утеши семејството и да им однесе помош.