Трагедија: Најмалку 32 загинати во автобуска несреќа во Тајван
Најмалку 32 лица загинале, а 13 се повредени во Тајван, кога автобус кој превезувал туристи, се превртел на патот, близу до главниот град Тајпеј.
Во соопштението на локалната полиција се вели дека најголемиот дел од патниците биле постари луге од главниот град, кои се враќале од учеството на празникот на „црешовиот цвет“ во градот Тајчунг.
Според полицијата, нема загинати или повредени странци.
Засега не се знае што била причина за несреќата, но полицијата верува дека превртувањето, што се случило на еден остар свиок, било предизвикано од неприлагодената брзина на автобусот со приликите на патот.
Тајван важи за една од најбезбедните земји во светот, но критичарите на тамошните прилики тврдат дека властите мора да ги унапредат безбедносните стандарди.
Во јули минатата година, во автобуска несреќа загинаа 26 лица, откако возилото се запали и целосно изгоре.
Истрагата подоцна утврдила дека возачот на автобусот, бил самоубиец, кој самиот го запалил возилото и ја предизвикал катастрофата.
Ново на Сител
-
МОН ќе ги покрива трошоците за учество на средношколци на меѓународни научни олимпијади
-
Хаварија во Пинтија, од резервоар на приватен објект се излеале хемикалии
-
Арбен Таравари си поднесе оставка од министерската функција
-
Притвор за дилер од Битола, продавал марихуана на деца
-
Лавров: Ситуацијата околу преговорите во Истанбул е интригантна, ќе има тешки разговори
-
Дизелот поскапува, цената на бензините останува иста
-
Полицаец фатил 15-годишник како вози па бил нападнат од него и неговиот татко
-
Малолетник силувал 14-годишник во Карпош