Траект со втора група мигранти тргна од Грција кон Турција
Траект со 45 мигранти го напушти денеска грчкиот остров Лезбос и се упати кон турскиот брег, што е втора таква група која Грција ја префрла во Турција, согласно спогодбата, која Анкара ја постигна со Европската уија со цел спречување на масовната нерегуларна миграција кон Европа.
Сите 45 мигранти се од Пакистан, а од Лезбос тргнаа со турскиот траект „Лесвос“, изјавија претставниви на грчката полиција.
Планирано е претпладнево да исплови уште еден брод, кој до Турција ќе пренесе поголема група мигранти, околу 80, јави грчката државна телевизија.
Грчката Влада информира дека станува збор за луѓе, кои не барале азил во Грција.
- Секој, кој ќе поднесе барање за азил се елиминира од листата, изјави претставник на грчката Влада.
Тројца активисти, кои се борат за заштита на човековите права се уапсени изутринава, откако скокајќи во вода се фатиле за сидрото на траектот, обидувајќи се да го спречат неговото испловување.
Уште дваесетина лица се собраа изутринава на пристаништето во Лезбос, извикувајќи „Спречете ја депортацијата“, „ЕУ засрами се“ и „Слобода за бегалците“.
Првата група од 202 мигранти, повеќето од Пакистан и Авганистан, беа вратени од Грција во Турција во понеделникот, што предизвика драстично зголемување на барањата за азил.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората