Традиционален планинарски марш во чест на Борис Трајковски
Десетина планинари од Струмица, Валандово, Радовиш и Неготино по четиринаесетти пат ќе маршираат во чест на трагично загинатиот македонски претседател, Борис Трајковски.
Маршрутата долга 200 километри ја почнаа пред споменикот „Македонија“ во Струмица, подигнат во чест на Трајковски.
Тие на 26-ти овој месец треба да пристигнат на гробот на вториот македонски претседател на гробиштата Бутел во Скопје и да се приклучат на одбележувањето на 15-годишнината од смртта.
-Целта на оваа наша активност како планинарски клуб е да го одбележуваме денот на загинувањето на претседателот Борис Трајковски, но и помладите генерации секогаш да ги потсетуваме на човекот кој ги сакаше сите спортови, се радуваше на успесите на сите спортисти, човекот кој ги сакаше сите граѓани, неделејќи ги по ниту една основа. Човекот кој се залагаше за силна Македонија, човекот кој најмногу ја почитуваше и си ја сакаше Република Македонија, рече Никола Ристов од ПАОК „Ентузијаст“ од Струмица.
Пред тргнување планинарите положија цвеќе пред споменикот на Борис Трајковски, а на испраќањето присуствуваше и градоначалникот на Струмица, Коста Јаневски.
Освен до Скопје, шеесетина планинари од Македонија и Бугарија ќе пешачат и по падините на планината Беласица за време на претстојниот викенд.
Тие треба да се искачат на врвот „Ботра“ кој го носи името на Трајковски, на надморска височина од 1.880 метри.
Ново на Сител
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО
-
ВИ: „Мона Лиза“ рапува
-
УКИМ донесе Одлука за основање Фондација „Горан Стефановски“
-
Кари ја освои наградата „Џери Вест“
-
Денвер трет пат го совлада ЛА Лејкерс
-
Први мај и вторитот ден на Велигден неработни за сите граѓани, а Велики петок за граѓаните од православна вероисповест