Тотенхем со нова победа се поблиску до опстанок во Премиер лигата

Екипата на Тотенхем со втората победа во низа остварена синоќа од 2:1 на гости против Астон Вила ја напушти зоната за испаѓање во Премиер лигата. Во финишот на сезоната Тотенхем ја прекина лошата серија од 15 натпревари без победа и сега со 37 поени се на 17.место, со еден бод повеќе од Вест Хем, кој е на 18.место.

Головите за победа против Астон Вила ги постигнаа Конор Галагер во 12.минута и Ричарлисон во 25.минута. Голот за домашните го постигна Емилиано Бунедиа во 90+6.минута.

Астон Вила со новиот пораз остана на петтото место со 58 бодови, колку што има и четвртиот Ливерпул.

Денеска се играат последните два натпревара од 35.коло од Премиер лигата: Челзи – Нотингем Форест (почеток 16 часот) и Евертон – Манчестер Сити (21 часот). 

МИА