Македонија
15. January 2020 - 11:00

„ТНТ“ од почеток, Трајковски сам дојде во судот

По замената на поротата во предметот „ТНТ“, судењето денеска почна од почеток. На рочиштето дојде и обвинетиот Тони Трајковски, за кого судот вчера побара да биде донесен со полиција.

Сепак тој утринава иако немал добиено покана, сам дојде на судењето. Трајковски доставил и медицинска документација според која лекарите му забраниле да присуствува на судења додека прима терапија.

Неговиот адвокат појасни дека лекувањето на екс градоначалникот на Гази Баба ќе трае околу две недели и побара во тој период да не се одржуваат судења.

Поради ова, Обвинителот кој го застапува предметот предложи раздвојување на постапката за Тони Трајковски. Според Обвинителот Бурим Рустеми, на тој начин судењето ќе биде ефикасно и економично. Таквиот предлог е неприфатлив за одбраната која смета дека заради поврзаност на дејствијата не треба на Трајковски да му се суди одделно.

Зоран Јаневски