Тимерманс: Мигрантската криза во Европа ќе трае една генерација

Високиот претставник на Европската унија Франс Тимерманс изјави синоќа дека мигрантската криза во Европа ќе потрае „најмалку една генерација“.

Комесарот на ЕУ изјави дека тоа ќе биде видливо во „демографски, политички и економски развој во Европа и нејзиното соседство“.

Во разговор со шведскиот министер за правда Морган Јохансон, Тимерманс со насмевка запраша: - Колку како Златан ќе имате во новото шведско општество за 20 години?

Неговата забелешка се однесуваше на шведскиот фудбалер Златан Ибрахимовиќ кој е син на емигранти од БиХ и Хрватска како и на фактот дека Шведска лани примила најмногу азиланти во ЕУ по жител – 163.000.