Тежок пораз на Реал на Палма де Мајорка

Згуснатиот распоред и повредите на дел од фудбалерите го чинеа Реал Мадрид незгоден пораз на гостувањето на Палма де Мајорка со што шампионот загуби голем чекор кон одбраната на титулата. 

Домашните играа борбено и со автоголот на Начо Фернандез обезбедија минимална победа од 1-0 против големиот фаворит. 

Се очекуваше гостите до крајот на мечот да  го избегнат поразот но без Бензема не успеаја да дојдат до погодок иако добија и подарок пенал кој го изведе Асенсио во 57-та минута но српскиот голман Рајковиќ го одбрани неговиот удар. 

По овој резултат се отвори можност Барселона која вечерва игра со Севиља да ја зголеми предноста на 8 бода пред лутиот ривал.