Теута Арифи прогласи победа во Тетово

Досегашната градоначалничка на Тетово, Теута Арифи, прогласи победа над кандидатот на БЕСА, Билал Касами. Арифи вели дека го освои вториот мандат и им се заблагодари на граѓаните за дадената поддршка.

-Им се заблагодарувам на сите гласачи во Општина Тетово кои ја поддржаа мојата кандидатура и дадоа можност за идните четири години заедно да ги реализираме сите проекти. Сметам дека ангажирањето за Тетово што го сакаме е вредно и ви благодарам на поддршката – изјави таа на прес конференција од партискио штаб на ДУИ во Тетово.