Тешка сообраќајка во Тетово - Четири лица повредени
Четири лица, две машки и две женски, биле тешко повредени во сообраќајната несреќа што денеска околу 14 часот и 30 минути се случила на улицата „Видоја Смилевски-Бато“ во Тетово, информираше портпаролот на СВР Тетово Марјан Јосифовски.
Според неговите податоци патничко возило „Форд ескорд“ со тетовски регистерски таблици од засега неутврдени причини загубило контрола, излетало од коловозот, удрило во дрвен електричен столб (бандера), а потоа и во изложен простор на трговска фирма односно дуќан.
Четворицата повредени по укажаната лекарска помош во тетовската клиничка болница итно биле префрлени на скопските клиники. По увидот што по овластување го изврила екипа на СВР Тетово поточно ќе се утврдуваат причините за несреќата, кој го управувал возилото и се друго поврзано со истата. Во несреќата причинета е и значителна материјална штета на возилото и трговскиот изложен простор.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари