Тешка сообраќајка во Скопје - три лица повредени

Тешка сообраќајна несреќа се случила вчера во Скопје, неколку лица се  повредени. Според информациите на МВР, вчера во 06:50 часот на ул. „60“ во с.Волково, скопско, се судриле патничко возило „Фолксваген Пасат“ со скопски регистарски ознаки, управувано од Д.Ј.(39) од с. Волково и патничко возило „Опел Корса“ со скопски регистарски ознаки, управувано од М.М. (24) од с. Волково.

Со повреди се здобиле двајцата возачи и сопатничката во возилото „Опел Корса“, В.М.(48) од с. Волково.

Со возило на итна медицинска помош Д.Ј. бил пренесен во Ургентен центар при комплекс клиники „Мајка Терза“ - Скопје каде му биле констатирани тешки телесни повреди и по укажаната лекаска помош бил задржан на понатамошно лекување. М.М. и В.М. со возило на Итна медицинска помош и со друго возило биле пренесени во Градска општа болница „8-ми Септември“ каде им биле констатирани телесни повреди, а по укажаната лекарска помош биле пуштени на домашно лекување.

Увид на местото на настанот извршила екипа од СВР Скопје.