Тешка сообраќајка во Кисела Вода, повредени две лица

Две лица, од кои едно потешко, се повредени во сообраќајна несреќа која се случила вчера во 22 часот во скопската населба Кисела Вода.

 

Од МВР информираат дека несреќата се случила на крстосницата од улицата “Народни херои“ и улицата “Вера Јоциќ“.

 

-Во сообраќајна незгода учествувале “Голф“ со скопски регистарски ознаки, управувано од С.Ј.(37) од скопско Чифлик и мотоцикл “Пиаџо Беверли“ со скопски регистарски ознаки, управуван од Д.А.(22) од Скопје, велат од полицијата.

 

Со тешки телесни повреди се здобил сопатникот од мотоциклот Ѓ.М.(24) од Скопје, а со телесни повреди се здобил моторциклистот и биле пренесени во Градската општа болница “Св.Наум Охридски“ за укажување на лекарска помош.

 

Увид на местото на настанот извршила увидна екипа од СВР Скопје.