Тешка сообраќајка кај Влада, петмина повредени

Пет лица се повредени од кои едно потешко во сообраќајна несреќа која синоќа се случила кај Владата.

Од СВР Скопје велат дека во несреќата која се случила околу 23 часот, учествувале два автомобили, „Опел“ и „Нисан“.

При судирот на возилата полесно повредени се двајцата возачи, 43 годишниот А.П., кој управувал со „Опелот“ и 25 годишниот К.Г. кој го возел „Нисанот“. Полесно повредени се и еден сопатник од „Нисанот“ и сопатничка од другиот автомобил, додека со тешки повреди се здобила втората сопатничка од „Опелот“.

На сите им била пружена лекарска помош, а полицијата на местото на несреќата извршила увид.