Телефонски разговор Путин-Ердоган
Рускиот претседател Владимир Путин разговараше по телефон со својот турски колега Реџеп Тајип Ердоган, соопшти денеска портпаролот на Кремљ, Дмитриј Песков.
Како што јави ТАСС, Песков за подоцна најави подробности од разговорот, кој се одржала на иницијатива на руската страна.
Кабинетот на Ердоган од своја страна соопшти дека телефонскиот разговор бил „многу плодотворен и позитивен“.
Ова е првиот разговор меѓу Путин и Ердоган откако во ноември Турција собори руски воен авион од типот Су-24 во реонот на границата со Сирија. Притоа едниот пилот беше убиен при падот по катапултирањето, а вториот беше спасен од сириската армија.
Во понеделникот Ердоган испрати писмо до рускиот претседател во кое изрази жалење за гранатирањето на авионот.
Од друга страна пак, денеска портпаролката на руското Министерство за надворешни работи, изрази сочувство до целиот турски народ во врска со терористичкиот напад во Истанбул.
- Сатанскиот масакр на аеродромот во Истанбул е заедничка, општа болка. Тероризмот не познава национални разлики, изјави портпаролката Марија Захарова.
- Во вчерашниот сатански масакр загинаа и беа ранети луѓе од најразлична национална, класна и верска припадност и од најразлични убедувања и погледи, нагласи Захарова.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца