Живот
21. March 2019 - 21:01

Татко ја продаде ќерката (1) преку интернет за 7.800 евра поради коцкарски долгови: На жената и рекол дека ја однел кај мајка си, но таа ја нашла оваа снимка во телефонот

Маж на југозападот на Кина е уапсен зошто ја продал својата ќерка на интернет за 7.800 евра за да ги исплати своите коцкарски долгови.

Мажот, кој е идентификуван по презимето Џианг, го продал детето на двојка откако западнал во долгови коцкајќи се преку интернет.

Невработениот маж ја однел својата едногодишна ќерка од дома и на сопругата и рекол дека девојчето ќе остане кај бабата.

Минатиот ноември, Џианг на својата сопруга и рекол дека ќе остане кај неговата мајка во градче кое е на околу 140 километри оддалечен од нивната куќа.

Мајката станала сомничава откако не се слушнала со ќерката речиси три месеци. Секој пат кога го прашувала мажот за тоа каде е нивното дете, и давал различни изговори за одлагање на нејзиното враќање.

Загрижената мајка во февруари го проверила телефонот на својот маж и открила снимка од разговорот меѓу него и купувачот на нивната ќерка. Истиот ден се слушнала со свекрвата, која и рекла дека детето е однесено пред неколку недели.

Мајката веднаш го пријавила инцидентот во полиција, а мажот побегнал. При истрагата, полицијата го пронашла во еден хотел кон крајот на февруари.

Тој признал дека должел голема сума и се одлучил за екстремни мерки откако видел на интернет пост за посвојување на деца.

Џианг ги лажел и купувачите, на двојката на која им го продал детето и рекол дека повеќе не може да го издржува детето зошто се развел од сопругата и двајцата родители му починале.

Девојчето е пронајдено и вратено на мајката.