Таравари: Инспекциски надзори во скопските клиники ќе има и за викендот и идната недела
Ненајавените инспекциски надзори во скопските клиники ќе продолжат и во текот на викендот, како и следната недела, вели во пишаната изјава за медиумите министерот за здравство Арбен Таравари.
Предвидено е, посочува Травари, да се изврши надзор во сите универзитетски клиники, како и во други јавни здравствени установи низ државата. Според него, целта е одблиску да се увиди состојбата во установите и да се донесат конкретни мерки, доколку се воочат определени недостатоци.
Министерството за здравство претходно соопшти дека по насока на Таравари синоќа инспектори од Државниот санитарен и здравствен инспекторат и претставници од неговиот кабинет извршиле вонреден инспекциски надзор во пет јавни здравствени установи во Клиничкиот центар во Скопје.
Надзорот покажал дека ппштата санитарно-хигиенска состојба на Универзитетската клиника за гинекологија и акушерство не е на задоволително ниво, а медицинскиот отпад не се селектира прописно.
Уврдено било дека во Ургентниот центар, на Ортопедија и во Институтот за белодробни заболувања и туберкулоза, општата хигиенско-санитарна состојба е релативно добра, за разлика од Трауматологија каде општата хигиенско-санитарна состојба не е на задоволително ниво.
Од Министерството за здравство посочија дека веднаш преземаат мерки за отстранување на констатираните недостатоци.
Целта на надзорот, како што се наведува, е континуитет во одржување на општите санитарно-хигиенски и санитарно-технички услови во објектот, почитување на работното време, континуирана покриеност на приемните амбуланти за итни случаи, како и почитување на Законот за заштита од пушење, а по случаен избор се контактирани пациенти во однос на етички и професионален однос на здравствените работници.
Ново на Сител
-
Перински: Јавниот повик за општините веднаш по ребалансот на Буџетот, на располагање ќе ги имаат првите 100 милиони евра
-
Оливер Зафировски назначен за директор на Клиниката за пулмологија и алергологија во Скопје
-
Езерската полиција спасила две малолетни лица во водите на Охридското Езеро
-
Дефинитивно денови за паметење – Народната и забавната музика ги разгореа жештините во Кратово | ФОТО
-
Три жени повредени во сообраќајка кај „Мавровка" | ФОТО
-
Хрватска повлекува морска сол од пазарот поради присуството на пластика
-
УХМР со предупредуваање: Следува период на многу топло време
-
Автобус на ЈCП се качи на заштитна ограда пред Мавровка | ФОТО