Танчерки и пејачки без документи откриени во бар во Чегране

Синоќа во  01,20  часот  по   Наредба  за  претрес  од  ОС-Гостивар, од страна на овластени службени лица при МВР и УЈП, извршена е контрола во угостителски објект „Нота“ во с.Чегране–Гостивар.

При врачување на Наредбата за претрес на сопственикот Ш.Ш., истиот вербално нападнал  еден од полицајците и сакал физички да се пресмета, по што избегал од објектот. По  извршената  контрола  и  претрес  во  објектот  затекнати  се  и  пронајдени  8 државјанки на Р.Албанија, од кои 6 немале документи за идентификација.

Девојките се на возраст од 21 до 33 години и наводно биле ангажирани како пеачки и танчерки. Истите се приведени во Полициската станица Гостивар.

Во 04,00 часот И.Ш.(1972), брат на сопственикот на угостителскиот објект„Нота“, неповикано дошол во полициската станица и донел 6 албански патни исправи на приведените, кои во моментот на приведувањето не биле во нивно владение.

Објектот, со решение на УЈП е затворен на 30 дена, а гостиварската полиција презема мерки за целосно документирање на случајот.