Талат Џафери поради работни обврски денеска нема да сведочи за "27 април"
Собранискиот спикер Џафери кој требаше денеска да сведочи на судењето за наводните организатори на 27 Април, нема да дојде во судница.
Го известил судот дека има работни обврски и дека може да сведочи дури после 12 часот, но поради другите неколкумина повикани сведоци, судот го информирал Џафери ќе го повика да сведочи на некое од следните рочишта.
За случајот, и денеска сведочат пратеници. По барање на одбраната свои искази за случувањата на 27 април ќе имаат Стојан Миланов, Нада Цикушева, Борис Змејковски, Павлина Честојанова и Драган Цуклев.
Според обвинителниот акт на Обвинителството за гонење на организиран криминал и корупција, случувањата од 27 април во Собранието ги организирале Трајко Вељановски, Миле Јанакиески, Спиро Ристовски и Владимир Атанасовски. Обвинети се за терористичко загрозување на уставниот поредок и безбедноста.
Зоран Јаневски
Ново на Сител
-
Тема на денот со доктор Катерина Мирчовска, директор на кочанската болница
-
Со владиниот авион ќе бидат евакуирани македонците кои се наоѓаат во Израел
-
Трет ден конфликт меѓу Израел и Иран, Трамп и Путин ја оценија состојбата како „многу алармантна“
-
Кочани на приоритетната листа за министерот за здравство - Алиу вели дека нема да оперира, туку ќе менаџира со системот
-
Процесот на рехабилитација на повредените во пожарот во Кочани е долг, скап и макотрпен
-
Обвинителството им стои на располагање на семејствата на жртвите
-
Зајкова бара собраниска седница зад затворени врати за престојниот НАТО Самит
-
Откриени 5 гробници издлабени во камен на локалитетот Крклари дел од заштитеното подрачје Маркови Кули