Тајван погоден од најсилниот земјотрес во последните 25 години - најмалку четворица мртви | ВИДЕО
Силен земјотрес со јачина од 7,4 степени според Рихтеровата скала денеска го погоди Тајван, а според засега достапните информации четири лица загинаа, а десетици се повредени.
Бројот на жртви се очекува да се зголеми, наведуваат локални медиуми, посочувајќи дека станува збор за најсилниот земјотрес во последните 25 години во оваа земја.
Телевизиските станици емитуваа снимки од згради како се нишаат во густо населениот источен град Хуалиен, во близина на епицентарот, посочувајќи дека најмалку 26 згради се урнале.
Локалните медиуми јавуваат дека во зградите има заглавени луѓе, а според последните информации на тајванската противпожарна служба загинале четири лица, а околу 60 се повредени.
Земјотресот предизвика прекин на електричната енергија, а тој се случи во 7:58 часот по локално време на длабочина од 15,5 километри од јужниот брег.
Во Тајпеј сè уште се чувствуваат последователни потреси, со најмалку 25 досега, според жителите. Повеќе од 87. 000 домаќинства останаа без струја, а запрени се и брзите железнички возови. The 7.
Јапонскиот центар за земјотреси објави дека неколку помали цунами стигнале до јужната префектура Окинава и подоцна го укина предупредувањето за плимниот бран.
Сеизмолошката агенција на Филипините исто така издаде предупредување за жителите на крајбрежните области и ги повика да се засолнат на повисоките места. Земјотресот е почувствувани во Шангај, Кина.
Ново на Сител
-
СЗО: Замрзнувањето на помошта од САД загрозува милиони животи на заболени од туберкулоза
-
Без струја неколку улици во општините Аеродром, Сарај, Центар и Ѓорче Петров
-
Утрото ведро и постудено, преку денот сончево и топло со мала локална облачност
-
Специјален Самит на ЕУ посветен на Украина и европската одбрана
-
Обраќањето на Трамп во Конгресот го следеле на ТВ 36,6 милиони луѓе во САД
-
ЕИБ ќе обезбеди гаранции за 1,95 милијарди евра за поддршка на Украина
-
Трамп паузира со воведување царини за стоки од Мексико и Канада што ги користи американската автомобилска индустрија
-
Хегсет: САД се подготвени за војна со Кина