Тајани: Западниот Бaлкан има јасна европска перспектива
Земјите од Западниот Балкан имаат јасна европска перспектива и може да сметаат на поддршката на Европскиот парламент во тој процес, но сепак топката е во нивниот двор, изјави претседателот на Европарламентот, Антонио Тајани во пресрет на неговата денешна посета на Белград.
Тој за порталот „Јуропијан Вестрен Балканс“ изјави дека Македонија постигнала значаен напредок и дека е оптимист, како во поглед на спорот околу името, така и на можноста земјата набргу да ги започне преговорите за пристапување во ЕУ.
Тијани оцени дека Србија и Црна Гора би можеле да бидат подготвени за членство во ЕУ до 2025 година, додавајќи дека таму каде што постои волја, има и начини да се направат нештата,
Тој нагласи дека ЕУ е најблизок партнер на Западниот Балкан, како во поглед на трговијата, така и во поглед на севкупната поддршка, додавајќи дека на змејите им се достапни средства за поддршка на процесот на проширување, како во 2018, така и за наредните години.
Во врска со констатацијата дека во одредени земји е воочлив падот на медиумските слободи и на демократијата, Тајани нагласи дека во процесот за зачленување е потребен и напредок во областите како што се владеењето на правото, правосудството и основните права во Црна Гора и Србија.
Тајани за време на денешната посета на Белград ќе се сретне со претседателот на Србија, Александар Вучиќ, со премиерката Ана Брнабиќ и со претседателот на српското Собрание, Маја Гојковиќ, како и со претставници на граѓанското општество организирани во Националниот конвент на Европската унија.
Претседателот на Европарламентот пристигнува во Белград неколку дена пред објавувањето на новата стратегија на ЕУ за Западен Балкан, која се очекува на 6 февруари.
- Ние работиме на отворањето на патиштата за Србија да стане една од следните членки на Европската унија, изјави Тајани во октомври за време на посетата на Брнабиќ на Брисел.
Тој со српскиот претседател ќе ја отвори и бизнис конференцијата „ЕУ-Србија 2018: инвестиции, раст и создавање на работни места.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка