Балкан
27. јуни 2016 - 12:29

Тачи: Шпанија наскоро ќе го признае Косово

Косовскиот претседател Хашим Тачи изјави дека „е сигурен оти Шпанија наскоро ќе ја признае независноста на Косово“.

Тој одбил да направи споредба меѓу отцепувањето на Косово и сепаратистичките движења во Шпанија.

- Шпанија не е Србија, а Каталонија не е Косово, истакна Тачи.

На прашањето за тероризмот, Тачи одговори дека на Косово има „нулта толерантност кон терористички и криминални групи“.

- Ние ги презедовме сите законски мерки за спречување на радикализмот, нагласи косовскиот претседател.