Тачи: Работната група за формирање на ЗСО без учество на Белград

Косовскиот претседател Хашим Тачи изјавил дека властите во Приштина деновие ќе формираат работна група која ќе се занимава со создавањето на Заедницата на српски општини (ЗСО), јави дописникот на МИА.

Според тиранската телевизија Топ-чанел, Тачи рече дека не може да каже кој се ќе биде ви оваа работна група, но додаде дека сигурно во неа нема да има претставници на Србија.

- Го почитувам легитимниот интерес на Србија за српскиот народ кој живее во Косово, но Косово е независно, рече Тачи.

Тој го повтори ставот на Приштина дека Заедницата на општини со мнозинско српско население ќе биде без извршна власт и оти тоа ќе се формира согласно договорот во Брисел, законите на Косово и одлуката на Уставниот суд на Косово.