Тачи бара одлуките што ќе ги потпише со Вучиќ да не се ратификуваат во Собрание
Косовскиот претседател Хашим Тачи се обидува да издејствува право да потпише договор со Србија за конечно решение на споровите меѓу двете земји без тој договор да се ратификува во Собранието на Косово, јави дописникот на МИА од Приштина.
За да го избегне гласањето во Парламентот за тоа што како главен косовски преговарач ќе го договори со неговиот српски колега Александар Вучиќ, а за што се потребни гласовите на две третини од пратениците, Тачи побара од Уставниот суд на Косово толкување на членот 18 од Уставот, со кој се регулира донесувањето меѓународни и меѓудржавни договори на земјата.
Во барањето за толкување на овој член од Уставот, Тачи се повика на практиката за склучување договори меѓу Косово и мисијата на Европската унија за владеење на правото во Косово - ЕУЛЕКС, што се реализира со писма на намери меѓу двата субјекти, кои беа потпишувани од шефот на косовската држава и оној на Еулекс. За ваквиот билатерален договор со ЕУ не е предвидено гласање.
Меѓутоа, како што коментираат приштинските медиуми, членот чие толкување го бара Тачи од Уставниот суд, предвидува дека за сите прашања што се однесуваат на меѓународни договори кои се однесуваат на територијата на Косово, мирот, сојузништвата, прашањата од сферата на одбраната и безбедноста и слично, мораат да бидат ратификувани во Собранието на Косово со двотретинско мнозинство.
Барањето на Тачи за толкување на споменатиот член на Уставот, Уставниот суд го препрати до Собранието на Косово, по што парламентарниот спикер Кадри Весели синоќа им го поделил на пратениците, кои за тоа треба да се изјаснат до 28 септември.
Повеќе медиуми и аналитичари во Косово тврдат дека, со ваквиот притисок врз Уставниот суд, Тачи се обидува да обезбеди терен за да ги спроведе во дело неговите и намерите на неговиот српски колега Александар Вучиќ за постигнување конечно решение за споровите меѓу двете држави преку размена на територии.
Прекројувањето на границите меѓу двете земји, што би подразбирало кон Косово да се припои Прешевската Долина, а кон Србија делови од северно Косово, Тачи го нарекува „корекција на границата“, а Вучиќ „разграничување со Косово“.
Ново на Сител
-
Назначени нови директори на ЈСП, ЈП Паркови и зеленило и ЈП Улици и патишта
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка