Свилановиќ: Им честитам на Заев и Ципрас за храброста, постигнаа реален договор
Навистина ја ценам храброста на премиерите Зоран Заев и Алексис Ципрас за клучниот договор што го постигнаа, не само за народите на двете земји, туку и за сите нас во целиот регион, изјави во Брисел за МИА генералниот секретар на Регионалниот совет за соработка Горан Свилановиќ.
- Знам дека сите луѓе не се задоволни ниту на едната ниту на другата страна, но јас сметам дека е постигнат реален договор и јас очекувам тоа да го поддржат и граѓаните на референдум, оцени Свилановиќ.
Посочи дека долго време во политиката постоело уверување дека во регионот не е можно да се најде договор и решенија, и оти сега се покажало дека некои луѓе се во состојба да ги решат проблемите.
- Заев и Ципрас имаа храброст за тоа, да ја стават во залог својата политичка кариера, за доброто на луѓето кои ги преставуваат и да се договорат, рече Свилановиќ, додавајќи дека овој договор ќе биде поттик и охрабрување и за Белрад и Приштина.
Свилановиќ истакна оти во поглед на Македонија очекувал похрабра одлука на Европскиот совет, порачувајќи им на политичарите да продолжат да ја водат земјата по овој пат, сметајќи дека досега е направена добра работа.
Ново на Сител
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа
-
Денеска е Светски ден на чоколадото