Светски агенции: Во Сирија убиен лидерот на ИД, Абу Бакр ал-Багдади
Во американска воена операција во Сирија се верува дека е убиен лидерот на Исламска држава Абу Бакр ал-Багдади, пренесуваат сите светски агенции.
Неименуван американски претставник за домашните медиуми изјави дека ал-Багдади синоќа бил цел на напад на нивните сили во Идлиб и дека се очекува потврда дека тој навистина е убиен во акцијата на американските специјалци.
Американскиот претседател Доналд Трамп , синоќа на Твитер напиша „ Нешто големо штотуку се случи“.
Портпаролот на Белата куќа, Хоган Гидли, изјави дека Трамп во текот на денот ќе се огласи за овој настан.
Ирак, од друга страна, веќе потврди дека има информација од свои извори во Сирија дека ал-Багдади е убиен, во нападот на американските специјални единици врз ќелија на групата, пренесоа британските меидуми.
„Нашите извори од Сирија на разузнавачите им потврдија дека тој е убиен, заедно со неговиот личен телохранител, откако неговото скривалиште во Идлиб било откриено додека се обидувал да го извади своето семејство од регионот и да ги одведе кон турската граница“, изјавил иракиот извор од Сирија.
ДПА јави дека ал-Багдади бил нападнат во рација во северо-западна Сирија, а ЦИА помогнала во неговото лоцирање.
„Њусвик“, исто така, објави за рацијата, додавајќи дека неа Трамп ја одобрил уште пред една недела.
Официјален претставник на американската армија изјави дека Министерството за одбрана има „голема верба“ дека „вредната цел“ е убиена во рацијата во северно-западната провинција Идлиб, иако очекува дополнителна верификација.
Засега нема официјална потврда за смртта на водачот на Исламската држава.
Конечната потврда се чека по спроведените ДНК и биометриски тестирања, изјавија извори за Си-Ен-Ен.
Рацијата ја изведоа командоси од специјалните сили.
Ново на Сител
-
Народот на Гренланд сака да биде дел од САД, изјави Трамп
-
Израел го обвинува Хамас за две прекршувања на примирјето
-
Намалена видливост поради магла во Демир Капија, Петровец-Велес, Битола и Прилеп
-
18-годишник од Трубарево приведен за кражба на делови од комбајн
-
Прегазен пешак во Гостивар
-
Пронајден пиштол „Црвена Застава" при претрес на домот на 46-годишник
-
Најмалку 18 лица го загубија животот во експлозија на камион цистерна со гориво во Нигерија
-
Најстудено во Битола и Берово, најмногу снег на Попова Шапка