Судот не го прифати барањето на Боки 13 за укинување на притворот

Судијката Васка Николовска Масевска на почетокот на денешното судење информираше дека судечкиот совет како неоснован го отфрли предлогот на Бојан Јовановски да му се укине притворот. Појасни дека се уште постојат околностите за негово бегство, а тоа го потврдил и Апелациониот суд кој неодамна одлучуваше по жалба на Јовановски.

Судењето за Рекет денеска се одложи оти не беа присутни сведоците понудени од Јовановски. Не се појавиа ниту бизнисменот Владимир Тодоровиќ ниту сведокот Лидија Јаневски.

Тодоровски информирал дека е на службен пат надвор од државата а поканата за Јаневска не пристигнала на нејзината адреса.

Инаку како сведок во овој предмет е повикан и сопругот на Фросина Ременски кој ќе сведочи на едно од следните рочишта.

Зоран Јаневски