Судот го прифати предлогот од Обвинителството за затворски притвор за Мијалков
Судечкиот совет го прифати предлогот од Обвинителството и одреди мерка затворски притвор за обвинетиот Сашо Мијалков, укинувајќи ја мерката куќен притвор.
– Против обвинетиот е поднесен обвинителен предлог, па предвидено е по објавување на пресудата, притворот да трае најмногу 60 дена. Мијалков да биде примен во затвор КПУ Скопје. Веднаш да го земат Мијалков од адресата каде што му е одредена мерката куќен притвор, и да се однесе во притвор – истакна судијката Џанета Бектовиќ
Во однос на обвинетиот Тони Јакимовски, рече таа, делумно се прифаќа барањето на Обвинителството за одредување затворски притвор.
– На обвинетиот Тони Јакимовски му се одредува куќен притвор до правосилноста на пресудата. На обвинетите Горан Грујевски и Никола Бошковски се определува мерка притвор до започнувањето на издржувањето на казната затвор сметајќи од денот на нивното пронаоѓање – рече Бектовиќ.
Судијата Владимир Туфегџиќ на крајот на денешното судење им се извини на присутните и на јавноста поради проблемите што ги имаше со гласот во воведните зборови.
– Да се извинам на сите и да не ми замеруваат за мојата недоследност на почетокот на денешното судење кога поради маската за заштита од коронавирусот јас за момент го загубив гласот. Им се извинувам на сите – рече Туфегџиќ.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка