Балкан
4. February 2016 - 15:22

Судири на протестите против реформите на пензискиот систем во Атина

Припадници на грчката полиција и група млади лица се судрија денеска во Атина за време на протестот против реформите во пензискиот систем, но засега нема информации за уапсени или повредени. 

До инцидентот дошло кога група млади лица почнале да фрлаат молотови коктели и камења врз полицајците 

На протестот во центарот на Атина се собрале неколку десетини илјади луѓе. 

Вработените низ Грција ја прекина денеска работата во знак на протести поради реформите на пензискиот систем, а поради масовниот штрајк откажани се повеќе летови, запрен е поморскиот сообраќај јавниот превоз, училиштата се затворени, а во судовите, аптеките и државните болници работи само дежурен персонал. 

Синдикатот прогласи генерален штрајк поради реформите во пензискиот систем, чие спорведување е еден од условите за третиот меѓународен пакет помош за Грција. 

Левичарската Влада на премиерот Алексис Ципрас се обидува да го преструктуира пензискиот систем со зголемување на придонесите за социјална заштита, со цел да се избегне намалувањето на пензиите, но противниците на реформите укажуваат дека поради тоа многу вработени дури две третини од приходите ќе ги даваат на даноци и придонеси. 

Штрајкот се одржува во време кога Владата преговара со меѓународните инспектори кои се во Грција со цел да го проверат напредокот во исполнување на обврските предвидени со пакетот помош.