Судан донесе закон за ликвидација на поранешниот режим

Властите во Судан синоќа одобрија закон за „ликвидација“ на режимот на соборенот претседател Омар ал-Башир кој суверено владееше со државата речиси 30 години.

„Партијата на националниот конгрес се распушта, а нејзиниот имот се запленува“, пишува во законот наречен „Ликвидација на режимот воспоставен на 30 јуни 1989 година“.

„Ниту еден од истакнатите членови на режимот и партијата не смее да се занимава со политичка активност следните 10 години“, се додава во текстот.

Ал-Башир дојде на власт со државен удар во 1989 година со поддршка од исламисти. По протести од околу еден месец оваа година армијата го собори од власт на 11 април и сега е во затвор во Картум. Пресудата во судскиот процес за корупција против него се очекува на 14 декември.

Армијата не го предаде на Меѓунардониот кривичен суд во Хаг каде е обвинет за „злосторства против човештвото“ и за „геноцид“ во Дарфур.