Суарез: Јас, Меси и Нејмар се надеваме дека во ист клуб ќе ги поминеме последните денови од нашата кариера

Поранешниот напаѓач на Барселона, Луис Суарез, откри дека се согласил да ја заврши кариерата со поранешните соиграчи Лионел Меси и Нејмар.

- За ова се договоривме и со Нејмар. Се надеваме дека последните денови од кариерата ќе ги поминеме во еден клуб. Чисто уживајќи во радоста на фудбалот и играјќи фудбал онака како што сакаме. Не знам за Нејмар, но јас и Меси дефинитивно ќе бидеме заедно, изјави Суарез за „Albiceleste Talk“.

Сепак, 36-годишниот Уругваец ја отфрли опцијата да се пресели во Интер Мајами, бидејќи сега е задоволен од се во Гремио.

На 7 јуни Меси објави дека од ПСЖ се сели во Интер Мајами.