Страотна сообраќајка: Седумнаесет лица повредени во превртен автобус
Седумнаесет лица се повредени во автобуска несреќа во Англија, кога ноќниот автобус од Оксфорд за Лондон, излетал од автопатот и се превртел.
Во соопштението на полицијата се вели дека несреќата се случила во 02:45 часот, по локално време, кај клучката кај Милтон комон, во областа Оксфордшир.
Во моментот на излетувањето на возилото од патот, условите за возење биле мошне тешки, затоа што патот бил влажен и лизгав, а целиот тој дел од Британија бил обвиен во густа магла.
Повредени се 16 од патниците, како и возачот на автобусот. Сите повредени имаат скршени коски по телото и исекотини од стаклото и од металните делови на возилото.
Полицијата која води истрага за несреќата ги предупредува возачите да бидат внимателни, затоа што магла и подмрзнати коловози има во западна, централа и југоисточна Англија.
Маглата која во некои делови од земјата, остана и во текот на денот, предизвикува и проблеми во авионскиот сообраќај, особено на двата најголеми лондонски и британски аеродроми- Хитроу и Гетвик.
Несреќата со превртениот автобус, доаѓа само два дена по големиот верижен судар на патт во истата англиска област.
Една жена го загуби животот, а десетици други беа повредени во судар во кој учествуваа 20 возила.
Ново на Сител
-
Софија реагира и обвинува за „провокации и навреди“ од Скопје
-
До крајот на месецов јавноста може да се вклучи во изработка на пет закони од образованието
-
Тајван ги зајакнува безбедносните врски со САД и сојузниците
-
Бурата „Борис“ предизвикува поплави и свлечишта во Италија
-
Годишниот извештај на Советот на јавни обвинители пред Комисијата за политичкиот систем
-
Мицкоски во посета на Брисел
-
Најмалку 20 загинати во вториот бран експлозии на комуникациски уреди во Либан
-
Трамп рече дека „најверојатно“ ќе се сретне со Зеленски следната недела