Стопанска комора и МЖ бараат деблокада на Солунското пристаниште

Претседателот на Стопанската комора на Македонија Бранко Азески и генералниот директор на Македонски железници – Транспорт Никола Костов испратија ургентен допис до повеќе грчки институции, како и до евроамбасадорот во земјава Аиво Орав за нивно соодветно вклучување за итно разрешување на состојбата со блокадите во Солунското пристаниште.

Како што соопшти денеска извршниот директор на Комората, Јелисавета Георгиева, од штрајкот на пристанишните работници во Солун, но и на железничарите, штети трпи целото македонско стопанство.

- И во овој момент, додека трае оваа прес-конференција, голема е неизвесноста околу блокадите на Солунското пристаниште поради штрајкот. Нашите членки, вкупно 650, кои беа анкетирани, се децидни дека ваквата состојба предизвикува огромни штети врз целото стопанство, истакна Ѓеоргиева.

Засега штетите на МЖ Транспорт од блокадите на пругата Скопје – Солун, како и од нефункционирањето на Солунското пристаниште се проценуваат на околу три милиони евра.