Стоп за Ноле во Катар
Светскиот рекет број 1, Новак Ѓоковиќ доживеа неочекуван и незгоден пораз во полуфиналето на Катар опен во Доха, откако Шпанецот Роберто Баутиста Агут се врати од загубен сет и брејк негатива во вториот за 3:6/7:6(6)/6:4 победа.
Во меч од два и пол часа, двајцата тенисери играа на високо ниво, а Баутиста Агут го крена нивото во вториот сет, кој го доби во драматичен тај-брејк, пред во последниот сет да му биде доволен еден брејк за победа.
Баутиста Агут сега има 2-7 скор против светскиот број 1, кој сега може целосно да се фокусира на Австралија опен, првиот гренд слем од сезоната кој почнува за две недели. Ѓоковиќ загуби првпат пред едно финале од Торонто минатиот јули!
Во финалето, Баутиста Агут ќе игра со подобриот од пресметката меѓу фаворитот Томаш Бердих и италијанското изненадување, Марко Чекинато.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација