Стоп за Челзи во лондонската пресметка

Вест хем и Челси одиграа супер-интересно лондонско дерби, во „чеканите“ стигнаа до луда 3:2 победа со која им го „искомпликуваа“ животот на Челси и борбата за место во ЛШ, бидејќи сега Манчестер јунајтед се на само два поени од нивното четврто место.

 

Вест хем први го најдоа патот до голот на противникот, откако во 34. минута постигнаа гол преку Томаш Соучек, кој контроверзно беше поништен од ВАР системот поради офсајд. Во 42. минута, уште лутина за „чеканите“, откако беше досуден пенал, кој сигурно го реализираше Вилијан. Сепак, до крајот на полувремето, Соучек уште еднаш се запиша во листата на стрелците за на одмор да се отиде со 1:1.

 

Мајкл Антонио во 51. минута ги донесе Вест хем во водство, за во 72. минута Вилијан (кој потпиша краткорочен договор да остане во Челси до крајот на сезоната), да постигне неверојатен гол од слободен удар за 2:2.

 

Меѓутоа, недостасуваше уште еден пресврт. Во 90-тата минута Андриј Јармоленко по еден фантастично брз контранапад донесе победа за „чеканите“ за да избегаат на 30 поени, три поени над зоната за испаѓање.