Стипендии за средношколци со помал просек за програми од уметноста, дизајнот и информатиката
Почнува проектот „Образованието е поважно од просек 5.0“, наменет за средношколци од цела Македонија кои изминатата учебна година ја завршиле со просек под 3.9, во чии рамки средношколците до 15 февруари ќе можат да аплицираат за стипендии за програми поврзани со уметноста, дизајнот и информатиката.
- Целта на овој проект е подигање на моралот и самодовербата на учениците со послаб просек, нивно мотивирање да го продолжат личниот развој во областите на уметноста, дизајнот и информатиката и подигање на свесноста за засебноста и важноста на секој предмет од образованието за секој ученик, без разлика на нивниот просек, се посочува во соопштението од „Џолев и уметностите“.
На овие ученици, креаторите на овој проект „Џолев и уметностите“ со поддршка на „Семос Едукација“ ќе им доделат по пет или вкупно десет целосни стипендии за некоја од нивните програми поврзани со уметноста, дизајнот и информатиката.
- Од 14 до 18 години, учениците се во потрага по област во која подоцна ќе можат да го специјализираат и усовршат своето знаење. Без разлика на просекот, секој ученик носи свои кквалитети, кои заслужуваат да бидат препознаени“, велат од „Џолев и уметностите“ во соопштението.
Секој средношколец со просек под 3.9 ќе може да аплицира за една од понудените програми најдоцна до 15. февруари (четврток) преку електронската пријава каде клучна информација за избор на стипендираните лица ќе биде мотивациското писмо. Секој кандидат ќе треба да ги наведе причините за избраната програма и своите понатамошни планови и амбиции.
На 19 февруари офцијално ќе бидат соопштени десетте средношколци кои ќе добијат целосни стипендии.
Ново на Сител
-
Мицкоски: Во тек е оглас за ангажирање на 400 пожарникари, охрабрувам да се пријават подготвените за овој процес
-
Зголемените американски царински стапки ќе се применуваат од 1 август
-
ЦУК: Шест активни пожари на отворено до 18 часот
-
Ѓорѓиевски: Спремен сум по изборите да го воскреснам Скопје и конечно да стане град за достоинствен живот
-
Мицкоски: Се разбира дека ќе нема данок за немажени и неженети, но ние тивко исчезнуваме и тоа поминува незабележано
-
Во Пониква заврши првата фаза од рехабилитацијата на повредените во дискотеката Пулс
-
Сончево и многу топло со мала до умерена облачност
-
МВР: Лишени од слобода шест возачи за возење под дејство на алкохол