Стејт департмент за средбата Блинкен-Нетанјаху
Американскиот државен секретар Ентони Блинкен на денешната средба со израелскиот премиер Бенјамин Нетанјаху ја потврди поддршката на САД за правото на Израел да се заштити од терористичко насилство во согласност со меѓународното хуманитарно право и го повика Израел да ги преземе сите можни мерки за да избегне повреда на цивили.
Како што соопшти Стејт департментот, Блинкен и Нетанјаху разговарале за напорите да се обезбеди ослободување на сите преостанати заложници. Тие, исто така, зборувале за потребата од забрзување на испораката на неопходната, хуманитарна помош која спасува животи во Газа.
Американскиот државен секретар го истакна императивот да се земат предвид потребите за хуманитарна и цивилна заштита во јужниот дел на Газа пред какви било воени операции таму и повика на итни чекори со цел доселениците екстремисти да одговараат за насилството врз Палестинците на Западниот Брег.
„Блинкен повтори дека САД остануваат посветени на опипливи чекори за да се напредува кон палестинската држава која живее во мир, слобода и безбедност покрај Израел“, се вели во соопштението.
Ново на Сител
-
Волстрит Журнал: Доналд Трамп води со 47 наспроти 45 отсто пред Камала Харис
-
Флик: Ниту еден од моите тимови немаше играч како Рафиња
-
Харис за Си-Ен-ЕН: Трамп го сметам за фашист
-
Ристовски со две асистенции придонесе за триумфот на Динамо над Салцбург
-
Инзаги: Во Лигата на шампионите сите натпревари се тешки
-
Фон дер Лајен во посета на Скопје на средби со Сиљановска Давкова и Мицкоски
-
Нетанјаху: Откриено дека Хезболах подготвувал инвазија врз Израел
-
Прва средба на новиот тим македонски историчари во заедничката комисија со тимот од Бугарија