Стејт департмент: Северна Кореја повторно произведува плутониум
Северна Кореја повторно започна со производство на плутониумско гориво, соопшти неименуван висок претставник на американскиот Стејт департмент за американските медиуми.
Како што пренесува Танјуг, тоа покажува дека Пјонгјанг планира да продолжи со својата програма за развој на нуклеарното вооружување, пркосејќи на меѓународните санкции.
Тврдењето од Вашингтон пристигна еден ден откако Меѓународната агенција за атомска енергија објави дека има „индикации“ дека властите во Пјонгјанг ја реактивирале исталацијата за вадење на плутониум од потрошеното гориво во Јонгбјону, главниот севернокорејски нуклеарни комплекс.
Последните случувања укажуваат дека Северна Кореја сака да обезбеди сигурно снабдување на материјали за боеви глави, прекршувајќи ги меѓународните санкции кои следеа по четвртиот нуклеарен тест годинава.
Американскиот претставник, кој инсистираше на анонимност, истакна дека Вашингтон е загрижен поради новите напори на Северна Кореја за повторно производство на плутониум, но не објасни каква ќе биде реакцијата на САД.
Ново на Сител
-
Македонија против Холандија во 2. коло од Светското првенство во ракомет
-
ЦУК: Нема пожари на отворено, 1 644 повици на 112
-
Обвинети припадници на организираната криминална група за посредување во вршење проституција и илегална трговија со дрога
-
Трагедија во Прилеп: Починаа новороденчиња близначиња
-
Вонреден инспекциски надзор за смртта на деветгодишното дете од Свети Николе
-
Властите во Лос Анџелес ги предупредија евакуираните да не се враќаат во своите домови најмалку уште една недела
-
Пезешкијан во Москва на разговори со Путин за стратешкото партнерство меѓу Иран и Русија
-
Пожар во складиште за батерии во Калифорнија, илјадници евакуирани