Стејт департмент: САД со нетрпение очекува да соработува со новата германска влада
САД соопштија дека со нетрпение очекуваат да соработуваат со претстојната германска влада откако коалицијата на левиот центар постигна договор.
– Со нетрпение очекуваме да соработуваме со новата германска влада на нашите цели за ревитализација на трансатлантското партнерство, зголемување на соработката со нашите сојузници во НАТО и подигнување на нивото на амбиција на нашите односи со ЕУ, изјави синоќа портпаролот на американскиот Стејт департмент.
– Сигурни сме во очекувањата дека односите меѓу САД и Германија ќе продолжат да бидат неверојатно блиски и ефективни, додаде портпаролот на Стејт департментот, пренесува ДПА.
Олаф Шолц од Социјалдемократите (СПД), кој се очекува да стане следниот канцелар на Германија, вчера го претстави коалицискиот договор меѓу неговата партија и партнерите од Зелените и Слободните демократи (ФДП).
Се очекува Шолц да биде избран за канцелар од страна на Парламентот некаде околу 8 декември.
Според делот од коалицискиот договор за билатерални и регионални односи, партнерството со Вашингтон се опишува како клучен столб.
„Транслатлантското партнерство и пријателството со САД се централен столб на нашата меѓународна активност. Ние се залагаме за обновување и ревитализација на нашите транслатлантски односи со САД и Канада, кои планираме да ги развиваме на европски начин“, беше посочено во програмата околу која се согласија трите коалициски партнери.
Ново на Сител
-
Полициска акција во Арачиново - Приведено едно лице за изнуда од 165 000 евра
-
Тема на денот со Билјана Ивановска, поранешна претседателка на ДКСК
-
Невреме со град во Скопје и низ државата
-
Политичките партии со осуда за ксенофобијата на трибини во Куманово, но и со меѓусебни обвинувања
-
Меџити и Лимани остануваат министри и во кампањата - Гаши неделава ќе распише избори
-
Независните почнаа со собирање потписи
-
Утре ќе биде распишан огласот за нов претседател на Антикорупциска
-
Владата повторно ќе воведе „Училишната кошничка“ за да не поскапи цел прибор пред први септември