Стефковски: Гази Баба со финансиска поддршка за млади програмери
Општина Гази Баба објави јавен повик за финансиска поддршка на млади програмери од територија на општината.
Градоначалникот Бобан Стефковски информира дека предмет на јавниот повик е финансиска поддршка за ИТ обука до 60.000 денари на млади програмери до 29 години со живеалиште на територија во Општина Гази Баба, согласно со утврдените критериуми во правилникот.
-Цели на јавниот повик за финансирање е финансиска поддршка за обука, усовршување или доедукација на млади програмери не постари од 29 години со живеалиште на територија на општина Гази Баба, во некоја од напредните ИТ области во меѓународно сертифицираните едукативни тренинг центри за ИТ во Република Македонија. Поттикнување на младите програмери слободно да размислуваат и да наоѓаат креативни решенија за проблемите и прашањата со кои се соочуваат. Да се мотивираат младите програмери кои тукушто дипломирале да размислуваат иновативно менувајќи ја нашата локална заедница во различни сегменти на нејзиното функционирање, напиша Стефковски на Фејсбук.
Тој ги охрабрува младите програмери со доедукација во некоја специфична област да ги препознаат своите способности, да ги усовршуваат своите вештини и да соработуваат во насока на изнаоѓање на иновативни решенија за потребите на локалната заедница.
-Ги поттикнувам младите програмери да се пријават на јавниот повик. Со потребните услови може да се запознаете на следниот линк: http://gazibaba.gov.mk/mk/
Ново на Сител
-
Аврамовска Мадиќ: Излезноста на внатрепартиските избори за претседател на СДСМ 54 отсто
-
Деспотовски најави приговори за изборите за претседател на СДСМ
-
За ниедни пари не би пеела за партија | Лара Иванова | ПРОфесија | Sitel Podcast 049
-
Французите масовно гласаат во првиот круг од парламентарните избори
-
Гувернерот на Истанбул ја забрани Парадата на гордоста, го затвори центарот на градот
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија